TDHÇB-de söwdalar: nebithimiýa önümleri islegden peýdalandy
Penşenbe güni, 9-njy maýda, Türkmenistanyň Döwlet haryt-çig mal biržasynyň söwdalarynda nebithimiýa önümleri ýerlenildi.
Türkiýeden telekeçiler «В» kysymly karbamidi satyn almak boýunça «Türkmenhimiýa» döwlet konsernleri bilen geleşik baglaşdylar.
Birleşen Arap Emirlikleriniň işewür toparlarynyň wekilleri az kükürtli ýakyş mazudyny satyn almak boýunça «Türkmennebit» döwlet konserni bilen geleşik baglaşdylar.
Türkmen işewürleri «Türkmennebit» döwlet konserninden «SN-180» kysymly başlangyç ýagy we «TPP D 30 S» kysymly polipropileni satyn aldylar.
Söwdalaryň dowamynda jemi bahasy 12 558 000,00 manada we 18 227 500 dollara deň bolan 5 geleşik baglaşyldy.
Türkmenistanyň Döwlet haryt-çig mal biržasynyň kotirowkalary bilen şu salgyda tanşyp bilersiňiz.
ORIENT news
