Kazanda halal önümleriň internet-meýdançasyny işe girizmek meýilleşdirýärler
Geljek ýyl Tatarystanyň paýtagtynda halal önümleriniň marketpleýsi peýda bolar. Bu barada “Xoчy Halal” kompaniýasynyň baş direktory Anwar Jawburaýew Kazanda tamamlanan forumda habar berdi.
Marketpleýsi işläp taýýarlamaga 2024-nji ýylyň güýz aýlarynda girişip 2025-nji ýylda bölekleýin işe girizmek meýilleşdirilýär.
Bir ýyldan soňra onlaýn-meýdança Moskwa şäherinde we GDA ýurtlarynyň bazarlarynda hem işe giriziler.
Häzirki wagtda köpugurly marketpleýs özünde üç hyzmaty, şol sanda işgärleri saýlap almak we myhmanhanalarda otaglary öňünden sargyt etmek, yslam maliýe instrumentleriniň sanawy ýaly hyzmatlary özünde jemleýär.
“Biz häzirki wagtda ulanyjylary çagyrmaýarys, sebäbi ulanyjylaryň boş meýdança däl-de, eýsem hyzmatlaryň we önümleriň köp görnüşini teklip edip biljek internet meýdançasyna ýüz tutmagyny isleýäris” - diýip Jawburaýew aýtdy we halal önümlere diňe bir Tatarystanda däl, eýsem tutuş dünýäde hem uly isleg bildirilýändigini belledi.
ORIENT news
