TDHÇB-de söwdalar: nebithimiýa pudagynyň önümlerine uly isleg bildirildi
Aprel 23, 2024 | 16:29 |5065
Duşenbe güni, 22-nji aprelde, Türkmenistanyň Döwlet haryt-çig mal biržasynyň söwdalarynda ýurdumyzyň nebithimiýa pudagynyň önümlerine uly isleg bildirildi.
Owganystandan, Türkiýeden we Gruziýadan telekeçiler «В» kysymly karbamidi, gidro usulda arassalanan dizel ýangyjyny hem-de «BND 60/90» kysymly nebit ýol bitumyny satyn almak boýunça «Türkmennebit» we «Türkmenhimiýa» döwlet konsernleri bilen geleşikleri baglaşdylar.
Söwdalaryň dowamynda jemi bahasy ABŞ-nyň 10 446 000 dollaryna deň bolan 9 geleşik baglaşyldy.
Türkmenistanyň Döwlet haryt-çig mal biržasynyň kotirowkalary bilen şu salgyda tanşyp bilersiňiz.
ORIENT news
