Aşgabat — Türkmenabat ýokary tizlikli awtomobil ýolunyň Tejen — Mary bölegi tutuşlygyna aragatnaşyk ulgamy bilen üpjün edildi
Aprel 18, 2024 | 12:50 |6419
Aşgabat — Türkmenabat ýokary tizlikli awtomobil ýolunyň Tejen — Mary bölegi ýoluň tutuş 109 kilometr böleginde üznüksiz aragatnaşygy üpjün edýän häzirki zaman telekommunikasiýa ulgamlary bilen enjamlaşdyrylandyr.
«Altyn Asyr» öýükli aragatnaşyk kompaniýasynyň hünärmenleriniň sazlaşykly işleriniň netijesinde, sürüjiler we ýolagçylar täze awtoulag ýolunda ýokary hilli aragatnaşykdan peýdalanyp bilerler.
«Altyn Asyr» öýjükli aragatnaşyk kompaniýasynyň hünärmenleri häzirki zaman telekommunikasiýa enjamlaryny, şol sanda täze nesil aragatnaşyk stansiýalaryny gurnamak üçin giň gerimli işleri amala aşyrdylar. Bu stansiýalar ýokary tizlikli maglumat geçirijiligini we az gijikmeleri üpjün edýän tehnologiýalary ulanýalar.
ORIENT news
