Geçen çärýekde smartfon bazary 8,4% ösdi
«International Data Corporation» (IDC) halkara gözleg kompaniýasynyň berýän maglumatlaryna görä, şu ýylyň birinji çärýeginde smartfon bazary 8,4% ösüş gazandy.
Bütin dünýäde 289,4 million smartfon ýerlenildi, bu geçen ýylyň degişli döwri bilen deňeşdirilende, 7,8% köpdür.
«Samsung» «Apple» kompaniýasyndan öňe geçip, ýene-de iň uly üpjün ediji boldy. Günorta Koreýanyň öndürijisiniň paýy 20,8% bolup, ol 60,1 million smartfon ýerledi. Ýöne geçen ýylyň degişli döwri bilen deňeşdirilende, kompaniýanyň ýerlän önümleriniň mukdarynyň 0,7% azalandygyny bellemek gerek.
Ilkinji üçlügi tamamlan Hytaýyň «Xiaomi» kompaniýasy bolsa ýerlenilen önümleriň mukdaryny 33,8 % artdyryp, 40,8 million smartfona ýetirdi.
Dördünji orunda 28,5 million smartfon ýerlän we bazardaky paýy 9,9% bolan Hytaýyň ýene bir kompaniýasy «Transsion» ýerleşdi. Ol ýylyň dowamynda üpjünçiligini birbada 84,9% ýokarlandyrdy.
IDC-niň analitikleriniň pikiriçe, ýakyn wagtda «Samsung» we «Apple» smartfon bazarynda öňdebaryjy orunlaryny saklamaklaryny dowam etdirerler.
Kompaniýalaryň wekilleri smartfonlaryň ortaça satuw bahasynyň ýokarlanýandygyny tassyklaýarlar.
ORIENT news
