ŞHG-niň Hytaý komitetiniň sekretariaty «ORIENT-i» Nowruz baýramy mynasybetli gutlady!
ŞHG-niň hoşniýetli goňşuçylyk, dostluk we hyzmatdaşlyk boýunça Hytaý komitetiniň sekretariaty «ORIENT-iň» redaksiýasyny Nowruz baýramy mynasybetli gutlaýar.
«Baharyň we täzelenişiň bu ajaýyp baýramçylygynda size, siziň ýakynlaryňyza we dostlaryňyza jan saglyk, bagtyýarlyk hem-de abadançylyk, jogapkärli işiňizde täze döredijilik üstünliklerini arzuw edýäris!» diýlip, habarda bellenilýär we bu baýramyň täze ýylyň ýetip gelmegini alamatlandyrýandygy, oňyn özgertmeleri, täze üstünlikleri, parahatçylygy, dostlugy we özara hormat goýmagy aňladýandygy nygtalýar.
ŞHG-niň hoşniýetli goňşuçylyk, dostluk we hyzmatdaşlyk boýunça Hytaý komitetiniň sekretariaty geljekde hem netijeli hyzmatdaşlygy dowam etdirmäge, iki ýurduň halklarynyň bähbidine medeni-ynsanperwer alyşmalary we hyzmatdaşlygy pugtalandyrmaga taýýardygyny mälim etdi.
ORIENT news
