Türkmenistanyň Prezidenti Irlandiýanyň Baştutanyny Keramatly Patrigiň güni mynasybetli gutlady
Mart 18, 2024 | 15:05 |7081
Serdar Berdimuhamedow Maýkl D.Higginse hem-de Irlandiýanyň ähli halkyna ýurduň milli baýramy mynasybetli tüýs ýürekden gutlaglaryny we iň gowy arzuwlaryny iberdi.
Türkmenistanyň Baştutany öz gutlagynda Prezident Higginse berk jan saglyk, işinde uly üstünlikleri, Irlandiýanyň halkyna bolsa parahatçylyk, mundan beýläk-de ösüş hem-de rowaçlyk arzuw etdi.
17-nji martda bellenilýän Keramatly Patrigiň güni Irlandiýanyň howandary hasaplanýan keramatly Patrige bagyşlanan ýurduň milli baýramçylygydyr. Keramatly Patrigiň güni dünýäde iň meşhur baýramçylyklaryň biridir.
ORIENT news
