Ýaponiýanyň hökümetiniň talyp hakyny has köp daşary ýurtly talyp alar

Mart 19, 2024 | 09:03 |7461

Şu ýylyň aprel aýyndan başlap, Ýaponiýanyň hökümeti talyp hakyny almaga hukugy bolan talyplaryň sanyny artdyrar.

500-den 1000-e çenli talybyň pul kömegi görnüşinde berilýän talyp hakyny almagyna garaşylýar.

Häzirki wagtda Ýaponiýanyň Talyplara kömek guramasy (JASSO) tarapyndan berilýän talyp haklary diňe bu ýurduň raýatlary we hemişelik ýaşamak üçin wizalary bolan daşary ýurt raýatlary üçin elýeterlidir.

Halkara talyplar üçin esasy we goşmaça abraýly talyp haklary maksatnamasy JASSO tarapyndan Ýaponiýanyň hökümetiniň goldaw bermeginde dolandyrylýar. Onuň aýlyk mukdary 48,000 iýene deňdir (takmynan, ABŞ-nyň 440 dollary). Esasy talyp haky üçin resminamalar bilim edarasy (ýapon ýokary okuw mekdebi) arkaly tabşyrylýar.

ORIENT news