Özbegistanda daşky gurşawy goramak meselelerini çözmek işlerine ýaşlar giňden çekiler
Özbegistanda ekologiýa meselelerini çözmek işlerine ýaşlar giňden çekiler diýip, Podrobno.uz agentligi habar berýär.
Özbegistanyň Ekologiýa ministrliginde aýtmaklaryna görä, bu edaranyň ýanynda 75 adamdan ybarat Ýaşlar geňeşi dörediler.
Özbegistanyň her sebitinde ekologiýa ilçileri peýda bolar. Olar Ýaşlar geňeşiniň goldaw bermeginde ekologiýa meseleleriniň sebit kartalaryny işläp taýýarlarlar.
Şeýle hem ýaş nesliň wekilleri üçin dürli ekologiýa çäreleri, şol sanda EduCo festiwaly, “arassa” oýunlar we beýleki çäreler guralar.
Özbegistanyň ekologiýa ministri Aziz Abduhakimowyň belleýşi ýaly ýaşlar özgertmeleriň herketlendiriji güýjidir. Şoňa görä-de, ýaş nesliň işjeňligi we döredijilik kuwwaty durnukly we ekologiýa taýdan arassa geljegi gurmakda möhüm ähmiýete eýe bolup durýar.
Ýaşlary ekologiýa meselelerini çözmäge çekmegiň çäklerinde sebitlerdäki mekdeplere Braýliň şriftinde çap edilen ekologiýa baradaky kitaplary paýlamak üçin haýyr-sahawat saparlary geçirildi.
ORIENT news
