Aşgabat we Wena ykdysady hyzmatdaşlygy güýçlendirýär
Wenada türkmen-awstriýa Komissiýasynyň egindeş başlyklary iýun aýynda Awstriýanyň paýtagtynda geçiriljek 12-nji mejlisiň gün tertibini ara alyp maslahatlaşdylar.
Türkmen-awstriýa toparyna Türkmenistanyň Söwda-senagat edarasynyň başlygy Mergen Gurdow we Awstriýanyň Federal Zähmet we ykdysadyýet ministrliginiň ykdysady meseleler, innowasiýa we halkara syýasaty boýunça Baş direktory Florian Frauşer ýolbaşçylyk edýärler.
Söwda we ykdysady gatnaşyklaryň ýagdaýy we iki ýurduň arasyndaky işewür gatnaşyklaryň geljegi barada pikir alyşmalar hem geçirildi. Bu nukdaýnazardan bilelikdäki toparyň indiki mejlisiniň guramaçylyk meselelerine garaldy.
Duşuşyk, Türkmenistanyň daşary işler ministri Reşid Meredowyň ýolbaşçylygyndaky türkmen wekilivetiniň Awstriýa amala aşyran saparynyň çäginde geçirildi.
Saparyň esasy çäresi Türkmenistanyň wekiliýetiniň we Awstriýanyň 26 sany kompaniýasynyň ýolbaşçylarynyň gatnaşmagynda Awstriýanyň Federal ykdysady Palatasynda geçirilen «tegelek stol» boldy.
Wenadaky duşuşyklaryň dowamynda şu ýylyň ahyrynda Awstriýanyň ykdysady missiýasynyň Aşgabat şäherine boljak nobatdaky sapary barada hem ylalaşyk gazanyldy we “Türkmenistan - Awstriýa” Işewürler geňeşini döretmek hem teklip edildi.
ORIENT news
