Oraza 2024: Osloda, Melburnda we Jakartada musulmanlar has uzak wagtlap agyz bekleýärler
11-nji martda ähli musulmanlar üçin mübärek Oraza aýy başlandy. Bu aýda musulmanlar agyz bekläp, belli bir wagt iýmän, içmän gezýärler we keýpi-sapadan saplanýarlar.
Oraza aýy hemmeler üçin deň günde başlaýan hem bolsa, agyz beklemegiň dowamlylygy ýaşaýan ýeriňe baglylykda üýtgeýär. Bu ýagdaý demirgazyk sebitlerde has-da göze ilýär.
Musulmanlaryň, yslama uýýanlaryň arasynda belli bolan onlaýn meýdançanyň berýän maglumatlaryna görä, Norwegiýanyň paýtagty Osloda agyz beklemegiň dowamlylygy 15 sagat 15 minut dowam edýär. Indoneziýanyň paýtagty Jakartada agyz bekleýän adamlar her gün 13 sagat 13 minut iýmekden we içmekden saklanýarlar.
Awstraliýanyň Melburn şäherinde agyz beklemeklik 13 sagat 25 minuda çenli dowam edýär.
Yslam senenamasyna laýyklykda, Orazanyň başlanýan wagty her ýyl geçen ýyldakydan 11 gün öňe süýşýär. Munuň netijesinde, Oraza aýynyň başlanýan wagty her ýyl üýtgeýär.
ORIENT news
