Koreýa Respublikasy döwlet işgärlerini taýýarlamak boýunça Merkezi Aziýa döwletleri bilen maksatnamany işe girizýär
Türkmenistanyň Seuldaky ilçisi Begenç Durdyýew Merkezi Aziýa döwletleriň ilçileriniň Koreýa Respublikasynyň işgärleri dolandyryş ministri Kim Seong Ho bilen geçiren duşuşygyna gatnaşdy.
Duşuşygyň dowamynda işgärleriň hünär derejesini ýokarlandyrmak we gaýtadan taýýarlamak, döwlet işgärleriniň arasynda tejribe alyşmak, şeýle hem adam maýasynyň kuwwatlyklaryny ösdürmek boýunça maksatnamalary guramak ugurlarynda hyzmatdaşlygy işjeňleşdirmek meseleleri ara alnyp maslahatlaşyldy.
Koreýa Respublikasynyň Işgärleri dolandyryş ministrligi 7-nji martda Merkezi Aziýanyň diplomatik wekilhanasy bilen bilelikde her ýyl ýokary derejeli ulgamyň açylyş dabarasyny geçirýändigini habar berdi. Bu çäre Koreýa Respublikasyndaky diplomatik wekilhanalar bilen ýokary derejeli hyzmatdaşlygy yzygiderli dowam etdirmek maksady bilen guralýar.
Koreý tarapy sebitdäki her bir ýurt üçin özüne çekiji bolan ugurlar boýunça okuw meýilnamalaryny giňeltmäge taýýardygyny mälim etdi.
Çäräniň dowamynda özara peýdaly hyzmatdaşlygy giňeltmegiň mundan beýläkki ýollary barada pikir alyşyldy. “Merkezi Aziýa - Koreýa Respublikasy” formatynyň çäginde jemgyýetçilik hyzmatlar ulgamyny kämilleşdirmek boýunça şeýle hyzmatdaşlygy dowam etdirmek barada ylalaşyk gazanyldy.
ORIENT news
