Türkmenistanyň Prezidenti Türki Döwletler Guramasynyň Ýaşulular Geňeşiniň 15-nji mejlisini ýokary derejede geçirmegi tabşyrdy
Mart 09, 2024 | 23:55 |8712
Türkmenistanyň Prezidenti Serdar Berdimuhamedow Türki Döwletler Guramasynyň Ýaşulular Geňeşiniň 15-nji mejlisini ýokary derejede geçirmek hakynda Karara gol çekdi. Resminama laýyklykda, degişli düzümlere 2024-nji ýylyň 11-13-nji marty aralygynda Aşgabat şäherinde Türki Döwletler Guramasynyň Ýaşulular Geňeşiniň 15-nji mejlisiniň ýokary derejede we guramaçylykly geçirilmegini üpjün etmek tabşyryldy.
Resminamada bellenişi ýaly, türkmen paýtagtynda geçiriljek forum Türki Döwletler Guramasy we oňa agza döwletler bilen hoşniýetli goňşuçylyk we özara düşünişmek ýörelgelerine esaslanýan köpugurly gatnaşyklary we netijeli hyzmatdaşlygy mundan beýläk-de ösdürmegi hem-de hemmetaraplaýyn berkitmegi maksat edinýär.
ORIENT news
