Aşgabatda ýene bir awtomobil köprüsi gurlar
Ministrler Kabinetiniň penşenbe güni geçirilen mejlisinde wise-premýer Baýmyrat Annamämmedow Aşgabat şäheriniň G.Kulyýew köçesi bilen “Täze zaman” ýaşaýyş toplumyna barýan awtomobil ýolunyň kesişýän ýerinde täze awtomobil köprüsini gurmak barada geçirilen işler barada hasabat berdi. Bellenişi ýaly, degişli taslamany gurmak boýunça halkara bäsleşik geçirildi.
Soňky ýyllarda Aşgabat şäheriniň ýol-ulag düzüminiň işjeň döwrebaplaşdyrylmagy ýollarda döreýän ulag akymlarynyň derejesini ep-esli azaltmaga ýardam etdi. Soňky ýyllarda gurlan awtomobil köprüleri, aýlawy ýollar, ýerasty we ýerüsti pyýada geçelgeleri awtoulag sürüjilerine we pyýadalara ýolda sarp edýän wagtlaryny azaltmakda hem-de ýol-ulag hereketiniň howpsuzlygyny üpjün etmekde netijeli boldy.
ORIENT news
