Aşgabatda TDG-niň Ýaşulular geňeşi geçiriler
Türk Döwletleriň Guramasynyň Ýaşulular geňeşiniň 15-nji mejlisi 11-13-nji mart aralygynda Aşgabatda geçiriler. Gatnaşyjylar Geňeşiň we TDG-niň işi bilen baglanyşykly häzirki meselelere serederler, mundan beýläkki bilelikdäki işleri we guramanyň agza ýurtlarynyň hereketlerini utgaşdyrmak üçin esasy ugurlary ara alyp maslahatlaşarlar.
TDG-niň Ýaşulular geňeşiniň öňki, 14-nji mejlisi 2023-nji ýylyň oktýabr aýynda Özbegistanyň Samarkand şäherinde geçirilipdi.
Ýaşulular geňeşi maslahat beriji organ bolup, onuň düzümi TDG-na agza ýurtlaryň ýaşulularyndan - görnükli Hökümet we jemgyýetçilik işgärlerinden durýar. Türkmenistanyň Halk Maslahatynyň Başlygy Gurbanguly Berdimuhamedow 2022-nji ýylyň aprelinde bu Geňeşiň agzasy boldy. TDG-niň Ýaşulular geňeşiniň başlygy, Türkiýäniň öňki premýer-ministri Binali Ýyldyrymdyr.
ORIENT news
