Azerbaýjan geçen ýyl Türkmenistandan gaz importyny 77 göterim artdyrdy
Mart 05, 2024 | 20:34 |6596
2023-nji ýylda Azerbaýjan Türkmenistandan 1,51 milliard kub metr tebigy gaz import etdi. Bu 2022-nji ýyldakydan (857 million kub metr) 77% ýokarydyr.
Azerbaýjanyň Türkmenistandan geçen ýylky tebigy gaz importynyň pul hasabyndaky bahasy 218,22 million dollara barabar bolup, bu 2022-nji ýyldakydan 96,8 göterim köpdür. Azerbaýjan 2022-nji ýylda 110,87 million dollarlyk tebigy gazy Türkmenistandan satyn alypdy.
2023-nji ýylda Azerbaýjan bilen Türkmenistanyň arasyndaky söwda dolanyşygy 773,9 million dollara ýetdi. Bu bolsa 2022-nji ýylyň degişli döwri bilen deňeşdirilende 44,5% (535,39 million dollar) köpdür.
ORIENT news
