Katar Döwleti suwuklandyrylan gaz önümçiligini artdyrar
Üstümizdäki on ýyllygyň ahyryna çenli Katar Döwleti suwklandyrylan gaz önümçiligini 85 göterime çenli artdyrmagy meýilleşdirýär. Bu barada Katar Döwletiň Milli nebitgaz kompaniýasy – “QatarEnergy” habar berýär.
Häzirki wagtda Katar Döwleti ýylda 77 million tonna golaý suwuklandyrylan gaz öndürmäge ukyplydyr. Ýurduň energetika ministri, “QatarEnergy” kompaniýasynyň prezidenti Saad al-Kaabi bu görkezijiniň 2030-njy ýylyň ahyryna çenli 142 million tonna ýetip biljekdigini aýdýar.
Katar Döwleti Awstraliýa we ABŞ bilen bir hatarda suwuklandyrylan gazy dünýäde iň köp eksport ediji ýurtlardyr. “North Field” atly iri uglewodorod ýatagynyň üstüniň açylmagy bilen ýurduň tebigy gaz gorunyň mukdary hem has-da ýokarlandy. Bu gaz ýatagy Katar Döwletiniň demirgazyk-gündogarynda, Pars aýlagynyň merkezi böleginde ýerleşýär. Onuň düzüminde “Eş-Şahin” we “Bul-Hanaýn” nebit ýataklary hem bar.
Häzirki wagtda Katar Döwletiniň tebigy gaz gorunyň umumy möçberi 2 müň trillion kub futdan hem geçýär.
Britanýanyň “Shell” nebitgaz kompaniýasy 2040-njy ýyla çenli suwuklandyrylan gazyň dünýäde sarp edilişiniň bir ýarym esse artyp, ýylda 625 – 685 million kub metr aralygynda bolup biljekdigini çaklaýar.
ORIENT news
