Ispaniýanyň wekiliýetiniň Türkmenistana sapary meýilleşdirilýär
Şu ýylyň mart aýynda Ispaniýanyň wekiliýetiniň Türkmenistana saparyny amala aşyrmak meýilleşdirilýär. Wekiliýetiň düzümine maýa goýum, täze tehnologiýalary ornaşdyrmak, ýokary derejeli hünärmenleri taýýarlamak ýay ugurlarda ýöriteleşen kompaniýalaryň we guramalaryň wekilleri girer. Bu barada Türkmenistanyň Russiýa Federasiýasyndaky ilçisi Esen Aýdogdyýewiň Ispaniýa Patyşalygynyň Russiýadaky we Türkmenistandaky (oturýan ýeri Moskwa) ilçisi Markos Gomes Martines bilen geçiren duşuşygynda mälim edildi.
Diplomatik wekilhanalaryň ýolbaşçylary ýokarda agzalan ugurlaryň bilelikdäki işleri alyp barmak üçin uly gyzyklanma döredýändigi, şunda özara gatnaşyklary ilerletmek üçin amatly şertleri döretmegiň wajyplygyny aýtdylar.
Diplomatik wekilhanalaryň ýolbaşçylary ikitaraplaýyn hyzmatdaşlygy mundan beýläk-de ösdürmegiň geljegini ara alyp maslahatlaşdylar. Ispaniýanyň ilçisi Markos Martines Türkmenistandaky diplomatik wezipä resmi taýdan geçen ýylyň sentýabr aýynda girişdi.
ORIENT news
