Türkmenistandan Gyrgyzystana suwuklandyrylan gaz iberildi

Fewral 04, 2024 | 00:21 |9831

Suwuklandyrylan gazly wagonlardan ybarat ýük otlusy Türkmenistandan Gyrgyzystana iberildi. Türkmenistanyň Prezidenti Serdar Berdimuhamedowyň Buýrugyna laýyklykda, Bişkek şäheriniň ýylylyk elektrik stansiýasynyň işinde dörän duýdansyz bökdençlik zerarly, "Türkmengaz" döwlet konsernine 2 müň tonna möçberdäki suwuklandyrylan gazy dost-doganlyk kömegi hökmünde ýurdymyzdan Gyrgyz Respublikasyna ibermek bellenilipdi.

Türkmenistanyň Döwlet habarlar agentligi dostluk kömeginiň ugradylmagyna bagyşlanyp geçirilen çäräniň fotosuratlaryny köpçülige ýetirdi.

ORIENT news