Saud Arabystanynyň meýletinçi lukmanlar topary Türkmenistana geldi
Saud Arabystanynyň Patyşa Salman adyndaky Ynsanperwer kömek merkeziniň (KSrelief) meýletinçi lukmanlar topary hassalary bejermek we lukmançylyk işgärleriniň hünär derejesiniň ýokarlandyrylyşy bilen bagly lukmançylyk maksatnamalarynyň durmuşa geçirilişine baha bermek üçin Aşgabada geldi. Bu barada "Riadh Daily" neşiri habar berýär.
Saud Arabystanyndan gelen topar saglygy goraýyş ulgamynda hyzmatdaşlygy ara alyp maslahatlaşmak we lukmançylyk edaralarynyň hödürleýän hyzmatlaryna baha bermek üçin Türkmenistanyň Saglygy goraýyş we derman senagaty ministrliginiň wekilleri bilen gepleşikleri geçirdiler.
Patyşa Salmanyň maksatnamasy dostlukly döwletleriň milli saglygy goraýyş ulgamlarynyň mümkinçiliklerini artdyrmaga, işgärleriň hünär derejesini ýokarlandyrmaga gönükdirilendir. Bu meýletin lukmançylyk işi Saud Arabystanynyň Hökümeti tarapyndan maliýeleşdirilýär.
ORIENT news
