ABŞ-da Prezident saýlawlaryna dalaşgärleri saýlamak möwsümi başlandy
Amerikanyň Birleşen Ştatlarynda Respublikan partiýadan Prezident saýlawlaryna dalaşgärleri saýlamak möwsümi başlandy.
15-nji ýanwarda ABŞ-nyň Aýowa ştatynda syýasy partiýalaryň we hereketleriň agzalarynyň ýygnanyşygy geçirildi. Prezidentlige dalaşgär bolmak hukugyna eýe boljaklaryň hatarynda ýurduň ozalky Prezidenti Donald Tramp, BMG-niň ýanyndaky ABŞ-nyň ozalky hemişelik wekili Niki Heýli, Floridanyň gubernatory Ron Desantis we işewür Wiwek Ramaswami bar.
Aýowa ştatyndan Respublikan partiýasynyň saýlawçylaryndan iň köp sesi Donald Tramp toplady. Ýagny, bu ştatdan Tramp 55,8 göterim, Rona Desantis 23,1 göterim, Nikki Heýli 20,8 göterim ses toplady.
Şol gün Demokratik partiýany goldaýan saýlawçylar hem ýygnak geçirdiler. Olarda ses berişlik ýakyn birnäçe hepdäniň dowamynda poçta arkaly geçiriler. Ses berişligiň netijeleri 5-nji martda belli bolar.
5-nji mart – saýlaw senenamasynda möhüm seneleriň birine öwrüler. “Super sişenbe” diýlip atlandyrylýan günde ABŞ-nyň 16 ştatynda we ada sebitlerinde içerki partiýa saýlawlary geçiriler.
ABŞ-da nobatdaky Prezident saýlawlaryny şu ýylyň 5-nji noýabrynda geçirmek meýilleşdirilýär.
ORIENT news
