Awstriýaly mirasdüşer zenan 25 million ýewrony paýlamak kararyna geldi
Himiýa serişdelerini öndüriiji iri «BASF» kompaniýasy bilen baglanyşygy bolan maşgalasyndan pul miras alan 31 ýaşly Marlen Engelhorn baýlygynyň ilatyň arasynda paýlanylmalydygyna ynanýar.
Bu barada «Euronews» çeşmesi habar berýär.
Engelhorn mart aýyndan iýun aýyna çenli alty sany dynç güni toplanjak raýatlar ýygnagyny gurady. Ýygnagyň düzümine tötänleýin saýlanan 50 raýat girýär. Olar bilermenleriň ýolbaşçylygynda pullary nädip we kime paýlamalydygyny kesgitlärler. Engelhorn bu işde hiç hili ses hukugyna eýe bolmaz. Ol Awstriýanyň ilatynyň 1%-iniň milli baýlyklaryň ýarysyna eýeçilik etmegini adalatsyz hasaplaýar. Bu zenan birnäçe ýyl bäri öz ýurdunda has adalatly salgyt ulgamynyň ýola goýulmagy ugrunda çykyş edýär.
«25 million ýewro ilatyň arasynda paýlanmaly, sebäbi döwlet ony paýlamaýar. Mende bu pul bar, çünki olar salnan salgytlara harçlanmaýar. Mende bu pul bar, çünki hökümet şeýle baýlygyň ilatyň arasynda paýlanmagyny üpjün etmek baradaky wezipesini ýerine ýetirmedi we meniň şu familiýany göterýän anyk bir maşgalada ýaşaýanlygym sebäpli, bu pul gönüden-göni meniň elime düşýär» diýip, Marlen Engelhorn belläp geçdi.
ORIENT news
