Duşanbe şäherinde Türkmenistanyň Prezidentiniň kitabynyň tanyşdyrylyş dabarasy boldy
12-nji ýanwarda, Täjigistanyň paýtagtyndaky Türkmenistanyň ilçihanasynda Serdar Berdimuhamedowyň “Ýaşlar – Watanyň daýanjy” atly ilkinji kitabynyň tanyşdyrylyş dabarasy şeýle hem, Türkmenistanda şu ýylyň şygarynyň “Pähim-paýhas ummany Magtymguly Pyragy” diýlip, atlandyrylmagy mynasybetli tegelek stol geçirildi.
Duşuşyga “Täjigistan-Türkmenistan” Dostluk jemgyýetiniň agzalary, Täjigistanda ýaşaýan türkmenler we Türkmenistandan okamaga baran talyplar ýaşlar gatnaşdylar. Tanyşdyrylyş dabarasynyň çäginde oňa ýygnananlar Türkmenistanyň Prezidentiniň kitabynyň ýaş nesli watançylyk, millilik ruhunda terbiýelemekdäki aýratyn ähmiýetini bellediler.
Şeýle hem, gatnaşyjylar 2024-nji “Pähim-paýhas ummany Magtymguly Pyragy” ýylynda nusgawy şahyryň üç asyrlyk ýubileýine bagyşlanyp geçirilmegi meýilleşdirilýän çäreler barada pikir alyşdylar we filosofyň edebi mirasynyň dünýä medeniýetiniň “altyn hazynasynda” möhüm orny eýeleýändigini belläp geçdiler.
ORIENT news
