Hytaý rekord derejede awtoulaglary daşary ýurtlara eksport etdi
Hytaý awtoulaglary daşary ýurtlara ibermek boýunça taryhy rekord goýup, dünýäde birinji orny eýeledi.
Ýurduň Gümrük gullugynyň habar bermegine görä, 2023-nji ýylda hytaý öndürijileri 101,6 milliard dollarlyk 5,22 million awtoulagy daşary ýurtlara (+ 57% ösüş) eksport etdi.
“Chery Automobile” kompaniýasy 922 830 awtoulagy eksport edip, bu babatda birinji boldy. Awtomobil eksport ediji kompaniýalaryň arasynda Hytaýyň “SAIC Passenger Cars” (685 018 sany ulag), “Tesla China” (344 078 ulag), “Geely Automobile” (274 101), “Great Wall Motors” (267 756), “BYD Automobile” (242 765), “Changan” (191 917) we “Wuling (184 935) kompaniýalary bar.
Hytaý kompaniýalarynyň öndürýän awtoulaglary dünýäniň 200-den gowrak ýurduna eksport edilýär. Esasy import edijileriň hatarynda bolsa, Ýewropanyň we Günorta-Gündogar Aziýanyň ýurtlary we Awstraliýa bar.
Hytaýyň awtoulag önümçilik zynjyry özüniň durnuklylygy we önümçilik çykdajylarynyň pesligi bilen tapawutlanýar.
ORIENT news
