Gyrgyzystan Türki döwletleriň maýa goýum gaznasyny döretmek baradaky ylalaşygy tassyklady
Gyrgyzystan Türki döwletleriň maýa goýum gaznasyny döretmek baradaky ylalaşygy tassyklady.
Gyrgyz Respublikasynyň Prezidenti Sadyr Žaparow 2023-nji ýylyň 16-njy martynda kabul edilen Türki döwletleriň maýa goýum gaznasyny döretmek baradaky ylalaşygy tassyklamak hakynda Kanuna gol çekdi.
Bu Kanun Gyrgyzystanyň parlamenti tarapyndan geçen ýylyň 6-njy dekabrynda kabul edilipdi. Resminam Türki döwletleriň guramasyna agza ýurtlaryň arasynda sebitara söwdany giňeltmek we ykdysady işjeňlige goldaw bermek arkaly ykdysady ösüşi gazanmagy maksat edinýär.
Türki döwletleriň maýa goýum gaznasynyň ygtyýarly maýasy 500 million dollar bolar. Ony her biriniň bahasy 50 000 dollar bolan 10 müň sany paýnama bölmek göz öňünde tutulýar.
Gazna Türki döwletleriň guramasyna agza ýurtlarda ileri tutulýan taslamalary maliýeleşdirmek üçin çeşme bolup hyzmat eder.
ORIENT news
