GDA gatnaşyjy döwletler zähmet we iş üpjünçilik boýunça Aşgabatda maslahat geçirerler
2024-nji ýylyň ikinji ýarymynda Aşgabatda GDA gatnaşyjy döwletleriň Zähmet, iş üpjünçilik we ilaty durmuş taýdan goramak boýunça maslahat beriş geňeşiniň nobatdaky 37-nji mejlisi geçiriler. Bu barada wise-premýer Hojamyrat Geldimyradow anna güni geçirilen Hökümet mejlisinde hasabt berdi.
Türkmenistanyň Prezidenti Serdar Berdimuhamedow Bitarap Türkmenistanyň Garaşsyz Döwletleriň Arkalaşygy bilen söwda-ykdysady we medeni-ynsanperwer hyzmatdaşlygy yzygiderli berkidýändigini, Arkalaşygyň pudaklaýyn edaralary bilen gatnaşyklary giňeldýändigini nygtady. Şunuň bilen baglylykda, degişli halkara çäresini ýokary guramaçylykly geçirmek boýunça taýýarlyk işlerini geçirmek wise-premýere tabşyryldy.
Türkmenistan GDA-nyň assosirlenen agzasy bolmak bilen, öz Bitaraplyk hukuk ýagdaýyna eýerip, bu geňeşiň işine işjeň gatnaşýar.
ORIENT news
