“JBL” kompaniýasy sensor ekrany ornaşdyrylan simsiz gulaklygyny tanyşdyrdy
Ýanwar 12, 2024 | 16:27 |5502
Las-Wegas şäherinde geçirilýän halkara tehnologiýalar we elektronika serginiň çäklerinde “JBL” kompaniýasy sensor ekrany ornaşdyrylan simsiz gulaklaryny tanyşdyrdy.
“JBL Live 3” atly täze içerki kanally gulaklyklary 12 mm draýweri bilen üpjün edilip, “Bluetooth 5.3” ulgamyny hem-de daşarky goh-galmagaly peseltmek hyzmatyny goldaýar. Täze gulaklyklar suw we tozan hem geçirmeýär.
Gulaklygyň duýgur ekranynda dürli şekiller görkezilýär. Adaty ýagdaýda bu ekran batareýanyň zarýad derejesi barada maglumatlary görkezýär.
“JBL Live 3” gulaklygynyň zarýad saklaýjylygy 50 sagada ýetýär.
ORIENT news
