Türkmenistanyň Daşary işler ministrliginde Gazagystanyň ilçisi bilen duşuşyk geçirildi
Türkmenistanyň daşary işler ministriniň orunbasary Ahmet Gurbanow sişenbe güni, 9-njy ýanwarda Gazagystanyň Aşgabatdaky ilçisi Askar Tajibaýew bilen duşuşdy.
"Taraplar Türkmenistan bilen Gazagystanyň arasyndaky gatnaşyklary ikitaraplaýyn hyzmatdaşlygyň çäginde ösdürmegiň geljegini ara alyp maslahatlaşdylar" - diýlip, Türkmenistanyň daşary syýasat edarasynyň metbugat beýanatynda habar berilýär.
Hususan-da, ýokary derejeli saparlaryň dowamynda gazanylan ikitaraplaýyn ylalaşyklaryň iş ýüzünde durmuşa geçirilmegi we 2024-nji ýyldaky türkmen-gazak gatnaşyklaryny ösdürmek meýilnamalary gözden geçirildi. Bu nukdaýnazardan, Daşary işler ministrlikleriniň arasyndaky geňeşmeleriň ähmiýeti, şeýle hem ikitaraplaýyn saparlary we aragatnaşyklary iň ýokary derejede guramagyň zerurlygy bellendi.
Taraplar parlamentara gepleşiklerini güýçlendirmek we iki ýurduň parlamentarlarynyň arasynda yzygiderli duşuşyklary we geňeşmeleri geçirmek barada çykyş etdiler.
ÝHHG, BMG, YHG we beýlekiler abraýly halkara guramalarynyň çäginde hyzmatdaşlygyň we özara goldawyň oňyn tejribesi beýan edildi.
ORIENT news
