Hytaýyň daşary işler ministri ýurduň diplomatiýasynyň 2023-nji ýyldaky 5 esasy wakasyny beýan etdi
Hytaýyň daşary işler ministri Wan I ýurduň diplomatiýasyny durmuşa geçirmegiň çäklerinde, geçen 2023-nji ýylyň bütin dowamynda birnäçe ajaýyp wakalaryň bolandygyny belledi. Bu barada “Sinhua” habarlar agentligi mälim edýär.
2023-nji ýyldaky halkara ýagdaýlar we ýurduň diplomatiýasy barada eden çykyşynda Wan I geçen ýylda adamzadyň umumy ykbalyny özünde jemleýän jemgyýeti gurmakda möhüm öňegidişlikleriň gazanylandygyny aýtdy. Bu üstünlikler adamzat üçin ýagty geljegi döretmekdäki tagallalara täze itergi berdi.
Hytaýyň Daşary işler ministrliginiň ýolbaşçysy gazanylan üstünlikleriň hatarynda “Bir guşak – bir ýol” başlangyjynyň çäklerinde halkara hyzmatdaşlyk boýunça ýokary derejeli forumyň, şeýle hem sebitde hoşniýetli goňşuçylyk we dostlukly hyzmatdaşlyk gatnaşyklaryny ösdürmek üçin täze meýdança bolan “Hytaý – Merkezi Aziýa” sammitiniň geçirilendigini görkezdi.
Geçen ýyl “BRICS” guraly (döwletara birleşme indi 10 ýurdy özünde jemleýär: Braziliýa, Russiýa, Hindistan, Hytaý, Günorta Afrika Respublikasy, Birleşen Arap Emirlikleri, Saud Arabystany, Eýran, Müsür we Efiopiýa) taryhy taýdan giňeldi.
Wan I ýokardaky aýdylanlaryň Hytaýyň täzeçillik ugrundaky ägirt uly kuwwatlyklara eýelik edýändigini görkezýändigini belledi.
ORIENT news
