Katar Döwletinde futbol boýunça Aziýanyň Kubogyny almak ugrundaky ýaryşlar geçiriler
Şu ýylyň 12-nji ýanwary – 10-njy fewraly aralygynda Katar Döwletinde futbol boýunça Aziýanyň Kubogyny almak ugrundaky ýaryşlar geçiriler. Oňa 24 ýurduň milli futbol ýygyndylary gatnaşarlar.
Has takygy, oňa Katar Döwleti, Hytaý, Täjigistan, Liwan, Özbegistan, Awstraliýa, Siriýa, Hindistan, Palestina, BAE, Gonkong, Ýaponiýa, Indoneziýa, Yrak, Wýetnam, Günorta Koreýa, Malaýziýa, Iordaniýa, Bahreýn, Saud Arabystany, Tailand, Gyrgyzystan we Oman döwletleriniň milli ýygyndylary gatnaşarlar.
2023-nji ýylyň maý aýynda geçirilen bije çekilşigiň netijesinde gatnaşyjylar alty topara bölündiler.
Oýunlar 2022-nji ýylda FIFA-nyň dünýä çempionatyny kabul eden sekiz stadionda, şol sanda alty arenada geçiriler.
Aziýa Futbol Konfederasiýasy janköýerlere amatly bolar ýaly, 18-nji Aziýa Kubogynyň açylyş oýnunyň Katar Döwletinde iş gün däl – anna güni, jemleýji oýnunyň hem dynç güni geçiriljekdigini mälim etdi.
Kubogyň toparlaýyn oýunlary – 12 – 25-nji ýanwar, sekizden bir oýunlary bolsa 28 – 31-nji ýanwar aralygynda geçiriler. Döretden bir duşuşyklary 2-3-nji fewralda, farym finalyň oýunlaryny hem 6-7-nji fewralda geçirmek bellendi. Kubogyň jemleýji final duşuşygy 10-njy fewralda geçiriler. Ýeri gelende bellesek, 2019-njy ýyldan bäri Kubogy almak boýunça 3-nji ýer üçin duşuşyklar geçirilmeýär.
ORIENT news
