Türkmen ilçisiniň makalasy arap gazetinde çap edildi
Türkmenistanyň Katar Döwletindäki ilçisi Myratgeldi Seýitmämmedow arap dünýäsiniň meşhur neşirleriniň biri bolan «Al Sharq» gazetinde 2024-nji ýylyň “Pahim-paýhas ummany Magtymguly Pyragy” diýlip atlandyrylmagyna bagyşlap ýazan makalasy çap edildi.
Diplomat makalasynda şu ýyl doglan gününiň 300 ýyllygy bellenilýän beýik akyldaryň we şahyryň döredijilik mirasynyň möhüm ornuny nygtaýar.
Bellenişi ýaly, 2024-nji ýylyň Türki medeniýetiň halkara guramasy tarapyndan “Türki dünýäniň beýik şahyry we akyldary Magtymguly Pyragy ýyly” diýip yglan etmegi hem-de ÝUNESKO-nyň 2024-2025-nji ýyllar üçin şanly seneleriniň sanawyna girizilmegi şahyryň döredijilik mirasynyň dünýä ähmiýetlidigini görkezýär.
«Al Sharq» - Katar Döwletinde iň köp okalýan gündelik gazetleriniň biridir. Ol ýurduň iň meşhur 3 gazetleriniň biri we iň köp nusgada neşir edilýän gazetdir. Onu ýokary abraýy “PARCЭ (Palo Alto Research Center Incorporated) we Fransiýada ýerleşýän “IPSOS” halkara barlag agentlikleri tarapyndan hem ykrar edilendir.
ORIENT news
