Magtymgulynyň 300 ýyllygy mynasybetli Arkadag şäherinde döredijilik duşuşygy geçirildi
Ýanwar 10, 2024 | 11:33 |5720
Berdimuhamet Annaýew adyndaky mugallymçylyk orta hünär okuw mekdebiniň mugallymlarynyň we talyp ýaşlarynyň gatnaşmagynda Döwletmämmet Azady adyndaky Arkadag şäher kitaphanasynda Magtymguly Pyragynyň 300 ýyllygy mynasybetli döredijilik duşuşygy geçirildi.
Ýygnananlar Magtymgulynyň dünýä edebiýatynyň hazynasyna goşan aýratyn goşandyny, beýik akyldaryň eserini mundan beýläk öwrenmegiň we eserlerini giň okyjylaryň arasynda ýaýratmagyň möhümdigini bellediler.
Mundan başga-da, daşary ýurtlarda geçirilmegi meýilleşdirilýän çäreler ara alnyp maslahatlaşyldy. Geçirilýän şeýle çäreler bir tarapdan Magtymgulynyň bütin dünýäde uly hormat goýulýandygyny, beýleki tarapdan Türkmenistanyň medeni diplomatiýasynyň üstünligini görkezýär.
ORIENT news
