Türkmenistanyň Döwlet haryt-çig mal biržasynyň söwdalarynda “Türkmennebit” döwlet konserniniň önümleri, dokma önümleri we elde dokalan halylar ýerlenildi
8-nji ýanwarda duşenbe güni Türkmenistanyň Döwlet haryt-çig mal biržasynyň söwdalarynda içerki we daşarky bazarlarda “Türkmennebit” döwlet konserniniň önümleri, dokma önümleri we elde dokalan halylar ýerlenildi.
Daşarky bazarda Şotlandiýanyň telekeçileri “Türkmennebit” döwlet konserni bilen “Jet A-1” kysymly uçar kerosinini satyn almak barada geleşik baglaşdylar.
Türk işewürleri “Döwranly Döwlet” hususy kärhanasy bilen aşgarlanmadyk nah matany satyn almak barada geleşik baglaşdylar.
Türkmen telekeçileri içerki bazar üçin “Türkmennebit” döwlet konserni bilen “TPP D 30 S” kysymly polipropileni satyn almak barada geleşik baglaşdylar.
Şeýle hem Türkmenistanyň işewür toparlarynyň wekilleri “Türkmenhaly” döwlet birleşiginden el halylaryny satyn aldylar.
Söwdalaryň dowamynda umumy bahasy 2 422 579, 04 manat we 2 212 857,14 dollar bolan bäş geleşik baglaşyldy.
Türkmenistanyň Döwlet haryt-çig mal biržasynyň kotirowkalary bilen şu salgyda tanşyp bolar.
ORIENT news
