Türkmenistanyň Döwlet haryt-çig mal biržasynyň söwdalarynda nebithimiýa, dokma önümleri, şeýle hem elde dokalan halylar ýerlenildi
4-nji ýanwarda, penşenbe güni, Türkmenistanyň Döwlet haryt-çig mal biržasynyň söwdalarynda içerki we daşarky bazarlarda nebithimiýa, dokma önümleri, şeýle hem elde dokalan halylar ýerlenildi.
Daşarky bazarda Maltanyň telekeçileri “Türkmennebit” döwlet konserni bilen “TS-1” kysymly uçar kerosinini satyn almak barada geleşik baglaşdylar.
Britan Wirgin adalarynyň işewür toparlarynyň wekilleri “Türkmennebit” döwlet konserni bilen “TS-1” kysymly uçar kerosinini hem-de “KO-20” kysymly kerosini satyn almak barada geleşik baglaşdylar.
Birleşen Arap Emirlikleriniň işewürleri “Türkmennebit” döwlet konserninden “TS-1” kysymly uçar kerosinini we türkmen kompaniýasyndan jins matasyny satyn aldylar.
Içerki bazarda türkmen telekeçileri “Türkmennebit” döwlet konserni bilen TPP D 30 S kysymly polipropileni hem-de BND 60/90 kysymly bitumy satyn almak barada geleşik baglaşdylar. Şeýle hem olar elde dokalan halylary satyn aldylar.
Söwdalaryň dowamynda umumy bahasy 4 870 061 manat we 18 899 250 dollar bolan 9 geleşik baglaşyldy. Türkmenistanyň Döwlet haryt-çig mal biržasynyň kotirowkalary bilen şu salgyda tanşyp bolar.
ORIENT news
