FIFA 2023-nji ýylyň iň gowy oýunçylaryny mälim etdi: Ronaldu we Messi – sanawda
Halkara Futbol Federasiýasy (FIFA) we Halkara Professional Futbolçylar Assosiasiýalary Federasiýasy (FIFPro) 2023-nji ýylyň simwoliki milli ýygyndysyna dalaşgärleriň sanawyny düzdüler.
Gysga sanawda 23 oýunçy, şol sanda portugaliýaly hüjümçi Kriştianu Ronaldu we Argentinanyň milli ýygyndysynyň kapitany Lionel Messi bar.
Sanaw düzülende 2022-nji ýylyň 19-njy dekabryndan 2023-nji ýylyň 20-nji awgustyna çenli geçirilen oýunlar hasaba alyndy. Simwoliki toparyň jemleýji düzümi 15-nji ýanwarda Londonda geçiriljek FIFA-nyň baýraklaryny gowşurmak dabarasynda yglan ediler.
Dalaşgärleriň doly sanawy:
Derwezeçiler: Tibo Kurtua (“Real Madrid”), Ederson (“Mançester Siti”), Emiliano Martinez (“Aston Willa”);
Goragçylar: Ruben Diaş, Jon Stounz, Kaýl Uoker (üçüsi-de “Mançester Sitide”), Wirjil wan Deýk (“Liwerpul”), Eder Militao, Antonio Rudiger (ikisi-de “Real Madridde”);
Ýarym goragçylar: Jud Bellingem, Luka Modriç, Federiko Walwerde (üçüsi-de “Real Madridde”), Kewin De Bruýn, Rodri, Bernardu Silwa (üçüsi-de “Mançester Sitide”), Ilkaý Gündogan (“Barselona”);
Hüjümçiler: Karim Benzema (“Al Ittihad”), Erling Holand (“Mançester Siti”), Harri Keýn (“Bawariýa”), Kilian Mbappe (“PSŽ”), Lionel Messi (“Inter Maýami”), Kriştianu Ronaldu (“Al-Nasr”), Winisius Žunior (“Real Madrid”).
ORIENT news
