Türkmenistanda Magtymguly Pyragynyň doglan gününiň 300 ýyllygyna bagyşlanan döredijilik bäsleşiginiň jemi jemlendi
“Ahal durmuşy” gazetiniň redaksiýasy ýaşlaryň arasynda yglan eden “Arkadag Serdarly bagtyýar ýaşlaryň ýürek joşguny” atly döredijilik bäsleşiginiň jemini jemledi.
Bäsleşik beýik şahyryň doglan gününiň 300 ýyllygy mynasybetli Türkmenistanyň Magtymguly adyndaky Ýaşlar guramasynyň Ahal welaýat Geňeşi bilen bilelikde guraldy.
Bäsleşikde makala ýazmak ugry boýunça 1-nji orny Ahal welaýatynyň döwlet arhiwiniň baş hünärmeni Mekandurdy Bäşimow, 2-nji orny Döwlet hukuk we demokratiýa institutynyň ylmy işgäri Aýna Tangyýewa, 3-nji orny bolsa Halkara ynsanperwer ylymlary we ösüş uniwersitetiniň talyby Bägül Begenjowa eýeledi.
"Çeper eserleri" ugry boýunça 1-nji orny “Ahal durmuşy” gazetiniň öz habarçysy Maýsa Kyýasowa, 2-nji orny Döwletmämmet Azady adyndaky Türkmen milli dünýä dilleri institutynyň talyby Çeper Nazargylyjowa, 3-nji orny bolsa Babadaýhan etrabyndaky 18-nji orta mekdebiň mugallymy Uzukjemal Ataýewa eýeledi.
Ýeňijilere hormat hatlary hem-de ýörite sowgatlar gowşuryldy.
ORIENT news
