Azerbaýjan "swap" görnüşde iberilýän gaz üçin goşulan bahadaky salgydy aradan aýyrdy
Azerbaýjanyň Hökümeti degişli kodekse girizen üýtgetmelerine laýyklykda, "swap" görnüşinde ýurda import edilýän tebigy gaza we çig nebite 3 ýyllap goşulan baha üçin salgytdan boşatdy. Bu barada ýurduň Salgyt kodeksine salgylanyp, "Report" internet neşiri habar berýär.
Häzirki wagtda Azerbaýjan "swap" şertnamalaryna laýyklykda Türkmenistandan we Eýrandan gaz import edýär.
Neşiriň bellemegine görä, Azerbaýjanda goşulan baha üçin salgydyň derejesi 18 göterimdir.
31-nji dekabrda Azerbaýjanyň energetika ministri Parwiz Şahbazow sosial ulgamlarda TAP gaz geçirijisi arkaly gaz eksportynyň mukdaryny yglan etdi. Onuň sözlerine görä, üç ýylyň dowamynda Trans-Adriatik turbageçiriji arkaly Ýewropa 31 milliard kub metrden gowrak gaz iberilipdir. Ministriň sözlerine görä, şu ýyl gysga we uzak möhletleýin şertnamalar boýunça jemi 11,8 milliard kub metr gaz Ýewropa eksport edilipdir.
ORIENT news
