Ysraýylyň Hökümeti ýurduň daşary işler ministrini täzelemekçi
Ysraýylyň Hökümeti ýurduň häzirki daşary işler ministri Eli Koeniň oruna täze adamy bellemegi meýilleşdirýär. Eli Koen bolsa, ýurduň energetika ministri bolar. Bu barada "Reuters" habarlar agentligi mälim edýär.
Bu wezipelere täze adamlary bellemeklik Ysraýylyň Mejlisine degişli ygtyýarlykdyr.
Koen ozalkylary ýaly ýurduň Howpsuzlyk kabinetiniň agzasy wezipesini dowam etdirer. Israel Kas energetika ministri wezipesinden Ysraýylyň daşary işler ministri wezipesine geçer.
Eli Koen Ysraýylyň Daşary işler ministrliginiň ýolbaşçysy hökmünde 2023-nji ýylyň aprelinde Aşgabat şäherine sapar bilen geldi. Bu sapar Ysraýylyň Hökümetiniň soňky 30 ýylda ilkinji gezek Merkezi Aziýa döwletine baryp gören ýokary derejeli ilkinji wekili boldy. Bu saparyň çäginde Aşgabatda Ysraýylyň ilçihanasynyň täze binasy açyldy.
ORIENT news
