Türkmenistanyň Döwlet haryt-çig mal biržasynyň söwdalarynda nebithimiýa, dokma önümleri we elde dokalan halylar ýerlenildi
2023-nji ýylyň 29-njy dekabrynda, anna güni Türkmenistanyň Döwlet haryt-çig mal biržasynyň söwdalarynda nebithimiýa, dokma önümleri we elde dokalan halylar ýerlenildi.
Daşarky bazarda Russiýanyň, Türkiýäniň, Brleşen Arap Emirlikleriniň telekeçileri “Türkmenhimiýa” döwlet konserni bilen “B” kysymly karbamidi satyn almak barada geleşik baglaşdy.
Şeýle hem Türkiýäniň işewürleri türkmen kompaniýasy bilen aşgarlanmadyk nah ýüplügini satyn almak barada şertnama baglaşdylar.
Içerki bazarda Türkmenistanyň işewür toparlarynyň wekilleri “Türkmennebit” döwlet konserninden “BND 60/90” kysymly ýol nebit bitumyny satyn aldylar. Mundan başga-da, içerki bazar üçin elde dokalan halylar ýerlenildi.
Söwdalaryň dowamynda umumy bahasy 5 055 440,57 manat we 6 531 900 dollar bolan alty geleşik baglaşyldy.
Türkmenistanyň Döwlet haryt-çig mal biržasynyň kotirowkalary bilen şu salgyda tanşyp bilersiňiz.
ORIENT news
