TDHÇMB-däki söwdalaşyklar: ýeňil senagatyň önümleri we el halylary satyldy

Ýanwar 03, 2024 | 10:24 |6221

2-nji ýanwarda Türkmenistanyň Döwlet haryt-çig mal biržasynda geçirilen söwdalaşyklarda ýeňil senagatyň önümleri we türkmen el halylary satyldy.

Daşarky bazarda Gyrgyzystanyň işewürleri ýerli hususy kärhanasyndan çig nah ýüplügi satyn almak barada geleşik baglaşdylar.

Içerki bazarda türkmen işewürleri "Türkmenhaly" döwlet birleşiginden türkmen el halysyny, "Türkmenýüpek" ÝGPJ-den çig ýüplügi satyn almak barada geleşik baglaşdylar.

Söwdalaşyklaryň barşynda jemi bahasy 7 926 960.01 manada we 1 496 000 ABŞ dollaryna deň bolan 3 geleşik baglaşyldy.

Türkmenistanyň Döwlet haryt-çig mal biržasynda geçirilýän söwdalaşyklar barada giňişleýin şu salgy boýunça öwrenip bilersiňiz.

ORIENT news