Hytaýda 5-nji umumymilli ykdysady ýazuwy geçirilýär
2024-nji ýylyň 1-nji ýanwarynda Hytaýda 5-nji umumymilli ykdysady ýazuwyna badalga berildi. Bu barada "Sinhua" habarlar agentligi Hytaý Halk Respublikasynyň Döwlet statistika gullugyna salgylanyp habar berdi.
Öňümizdäki dört aýyň dowamynda 2,1 milliona golaý meýletinçi ykdysady ýazuwy geçirmek üçin 1,16 million sany ilatly ýerde ykdysady maglumatlary ýygnamak we ýazga almak üçin kärhanalara hem-de ilatly ýerlere aýlanarlar.
Hytaýda her bäş ýyldan tutuş ýurt boýunça ykdysady ýazuwy geçirilýär. Onuň çäklerinde maglumatlar ýerlerde ýazgy edilip, olaryň hil derejesi deňeşdirilenden soň, köpçülige ýetirilýär.
Hytaý Halk Respublikasynyň Döwlet statistika gullugynyň başlygy Kang Iniň bellemegine görä, 5-nji umumymilli ykdysady ýazuwynda hytaý ykdysadyýetiniň ikinji we üçünji pudaklarynyň ösüş derejesi, gurluşy we netijeliligi hemmetaraplaýyn öwreniler.
Ykdysady ýazuw Hytaýyň milli ykdysadyýetiň pudaklarynyň arasyndaky ykdysady gatnaşyklary aýdyňlaşdyryp, ýurduň esasy ykdysady maksatnamalarynyň durmuşa geçirilişine baha berer.
ORIENT news
