Türkmenistanyň Çagalar gaznasy haýyr-sahawat çäresini geçirer
Türkmenistanyň Magtymguly adyndaky Ýaşlar guramasynyň Merkezi geňeşiniň ýanyndaky Çagalar gaznasy Türkmen döwlet gurjak teatry bilen haýyr-sahawat çäresini geçirer. Bu barada "Neýtralnyý Türkmenistan" gazeti habar berýär.
Täze ýyl mynasybetli baýramçylyk çäresine ösüş aýratynlyklary bolan çagalar, ýöriteleşdirilen mekdep internatynda we çagalar öýlerinde terbiýelenýänler, köp çagalary maşgalalaryň çagalary gatnaşarlar. Olar üçin Gurjak teatrynda ýörite baýramçylyk dabarasy guralar. Bu ýerde görkezilen teatr çykyşyndan soň, ýaş tomaşaçylar Aýaz babadan Täze ýyl sowgatlaryny alarlar.
Täze ýyl mynasybetli haýyr-sahawat çäresini Aşgabatdaky "Hezzet" restorany hem gurady. Restoranyň işgärleri aýratyn ösüş aýratynlykly çagalar üçin dürli naz-nygmatlardan doly saçak bezedi we olaryň hemmesine Täze ýyl sowgatlaryny berdi.
Çagalar gaznasynyň işjeň agzalary hem çagalar sagaldyş merkezlerinde şeýle çäreleri guraýarlar. Haýyr-sahawat çäreleri gyşky dynç alyş möwsümi tamamlanýança dowam eder.
ORIENT news
