Türkmenistanyň ýokary okuw mekdeplerinde öňdebaryjy ýaşlary sylaglamak dabaralary geçirildi
Türkmenistanyň ýokary okuw mekdepleriniň ählisinde ýurduň ösüşine uly goşant goşan öňdebaryjy ýaşlaryny sylaglamak dabaralary geçirildi. Anna güni bolsa, Türkmen döwlet bedenterbiýe we sport institutynda Aşgabatda geçirilen Kuraş boýunça dünýä çempionatyna gatnaşan meýletinçi talyp ýaşlara diplomlar we şahadatnamalar gowşuryldy.
Şu ýylyň şygaryna we jemlerine bagyşlanyp Türkmenistanyň Söwda-senagat edarasynda geçirilen Halkara ýaşlar maslahatyndan we sergisinden soň, ýurduň ähli 26 ýokary okuw mekdebinde ýaşlary sylaglamak dabaralary geçirildi.
Tamamlanyp barýan ýylyň şygaryndan ugur alyp, Türkmenistanda ýaşlar bilen bagly birnäçe çäreler geçirildi. Bu çäreler döwlet we jemgyýetçilik durmuşynda ýaşlaryň tutýan ornuny mundna beýläk-de giňeltmegi maksat edindi. Şu ýyl 14 ugur boýunça döwlet we halkara derejesinde ýurduň ýokary okuw mekdepleri tarapyndan jemi 14 ders olimpiadasy guraldy.
ORIENT news
