"Garabogaz" gümrük nokadyny döwrebaplaşdyrmak işine 2024-nji ýyldan başlanar
Gazagystan bilen serhetýakada ýerleşýän "Garabogaz" gümrük nokadyny döwrebaplaşdyrmak işine täze ýylyň ilkinji aýynda başlamak göz öňünde tutulýar. Bu barada Türkmenistanyň Döwlet gümrük gullugy habar berýär.
Bellenişi ýaly, gümrük nokadyny döwrebaplaşdyrmak işi onuň ýerleşýän çägini giňeltmegi, ýagtylandyryş ulgamynyň täzelenmegini we geçirijilik kuwwatlyklaryny ýokarlandyrmagy göz öňünde tutýar. Taslamanyň çäklerinde gümrük nokadynyň edara ediş binasyny döwrebaplaşdyrmak, barlag-gözegçilik enjamlaryny - awtoulaglar üçin rentgen enjamyny ornaşdyrmak meýilleşdirilýär. Gurluşyk işlerine 2024-nji ýylyň başynda başlamak we ahyrynda tamamlamak göz öňünde tutulýar.
Habarda bellenişi ýaly, gümrük nokadynyň döwrebaplaşdyrylmagy serhetden üstaşyr geçmek üçin sarp edilýän wagty azaldar, şol sanda gümrük resminamalaryny resmileşdirmek we awtoulag serişdelerini barlamak işini ýeňilleşdirer.
ORIENT news
