Täze ýyl gijesi awtobuslar gije 1-e çenli, taksiler hem gije-gündizleýin hereket eder

Dekabr 31, 2023 | 11:25 |4829

31-nji dekabrdan 1-nji ýanwara geçilýän gijede Türkmenistanyň şäherlerindäki jemgyýetçilik ýolagçy awtobuslary daňdan 06:00-dan 01:00-a çenli halka hyzmat eder. Bu barada "Türkmenawtoulaglary" agentligi mälim edýär.

Habar berlişine görä, şol gün Aşgabat, Arkadag, Balkanabat, Daşoguz, Mary, Türkmenabat şäherlerinde jemgyýetçilik awtobuslary daňdan 06:00-dan ýarygije 01:00-a çenli hyzmat eder. Şol sanda Aşgabat - Gökdepe, Aşgabat - Änew, Gökdepe - Arkadag ugurlary boýunça ýolagçy awtobuslary ýarygijä çenli hyzmat eder.

Şeýle hem, jemgyýetçilik taksileri şol gün gije-gündizleýin halka hyzmat eder.

ORIENT news