Özbegistan umumy bahasy 12,7 milliard dollar bolan 24 taslamany durmuşa geçirer
Geljek ýylda Özbegistan umumy bahasy 12 milliard 700 million dollar bolan 24 taslamany durmuşa geçirmegi meýilleşdirýär.
Bu barada Prezident Şawkat Mirziýoýewiň ýurduň sebitlerinde elektrotehniki, himiýa we derman senagaty pudaklaryny ösdürmek meseleleri boýunça geçiren iş maslahatynda hasabt berildi diýip, Respublikanyň döwlet Baştutanynyň resmi web-saýtynda mälim edilýär.
Pul serişdeleri hususanda, "Nawoiazot" zawodynda poliwinil hloridiň we Kungraddaky kalsinirlenen sodanyň önümçilik kuwwatlyklaryny artdyrmak, Karakulda metanoldan olefin we Samarkantda öý-hojalyk tehnikalaryny hem-de awtoulaglar üçin metal örtükleri öndürmek üçin sarp ediler.
Özbegistanyň Prezidenti ýerli kärhanalaryň taslamalaryny durmuşa geçirmek üçin zerur gurluşyk serişdeleri we enjamlary bilen üpjün etmegiň möhümdigini aýtdy.
Şeýle hem, pudak edaralary we sebitler bilen bilelikde jemi bahasy 2,1 milliard dollarlyk elektrotehnika enjamlaryny öndürmäge ýöriteleşen 190, bahasy 3,8 milliard dollarlyk himiýa senagatyna ýöriteleşen 139 taslama, 1,5 milliard dollarlyk derman senagaty önümçiligine degişli 110 sany kiçi we orta taslamalar döredildi.
