Türkmenistanyň Baş arçasy GDA ýurtlarynyň reýtinginde beýikligi boýunça öňdeligi eýeleýär
“Älem” medeni-dynç alyş merkeziniň öňündäki meýdançany bezeýän Türkmenistanyň Baş arçasy, GDA ýurtlarynyň Täze ýyl nyşanlarynyň arasynda iň beýigi boldy.
Türkmenistanyň Täze ýyl arçasynyň beýikligi 44 metre deňdir. Reýtingde ikinji orny Ýerewandaky (37 metr) baýramçylyk nyşany, 3-nji orny bolsa, 35 metr beýikligi bilen özbek paýtagtynyň Baş arçasy aldy. Sanawda Bakuwdaky (34 m), Bişkekdäki (32 m), Duşanbedäki (30 m), Minskdäki (28 m), Astanadaky (25 m), Moskwadaky (25 m) we Kişinewadaky (20 m) arçalar şu yzygiderlikde görkezilýär.
Munuň Türkmenistandaky Täze ýyl arçasynyň ilkinji rekordy däldigini bellemelidiris. Ýurduň baýramçylyk nyşany, GDA-da 5 ýyldan gowrak wagt bäri iň ýokary derejesini saklap, onuň beýikligi ýylsaýyn ýokarlanýar.
ORIENT news
