ÝUNISEF-iň netijeli maksatnamasyny işläp taýýarlamak üçin klaster barlagy möhüm
ÝUNISEF tarapyndan dekabr aýynda başlanan “Köp görkezijiler boýunça klaster barlaglarynyň” (MICS7) ýedinji tapgyrynyň geçirilmegi Türkmenistanda zenanlar we çagalar barada maglumat berýän çeşme bolup hyzmat eder. Bu öz gezeginde ýurduň ilatynyň isleglerine laýyk gelýän maksatnamany işläp düzmäge ýardam eder.
Bu barada ÝUNISEF-iň Türkmenistandaky wekili Muhammad Faýýazi şu ýyl ýurduň Hökümeti bilen halkara guramanyň arasyndaky hyzmatdaşlygyň jemlerine bagyşlanyp, ýaýradan metbugat beýanatynda mälim edilýär.
“Türkmenistanyň Statistika baradaky döwlet komitetinden kärdeşlerimiz çagalaryň we maşgalalaryň durmuşy we ýagdaýy barada maglumat ýygnamak üçin saýlanan maşgalalara baryp görmegi meýillşdirýär. Şonuň üçin ýaşaýan obaňyza ýa-da şäheriňize size gelseler, hyzmatdaş boluň we soraglaryna jogap bermegiňizi haýyş edýäris " diýip, ÝUNISEF-iň Türkmenistandaky wekili Muhammad Faýýazi aýtdy.
Muhammad Faýýazi şeýle hem Türkmenistanyň Hökümetini we beýleki hyzmatdaşlary ýetip gelýän Täze ýyl baýramy bilen gutlady we köp ýyllyk netijeli hyzmatdaşlygy üçin olara hoşallyk bildirdi.
ORIENT news
