Karate-do boýunça çagalaryň arasynda Merkezi Aziýa çempionaty: Türkmenistanyň ýygyndysy 10 medal gazandy
Şu günler Gazagystanyň Aktau şäherinde karate-do boýunça çagalaryň arasynda Merkezi Aziýa çempionaty geçirilýär. Onuň netijesine laýyklykda, ýaşajyk türkmen türgenleri ýene-de 7 medal gazandylar. Ýaryşda türkmen türgenleriniň gazanan ilkinji medallary barada ozal habar beripdik. Şeýlelikde, ýaryş jemlerine laýyklykda, ýaşajyk türgenler 3 altyn, 2 kümüş we 5 bürünç medal topladylar.
Ildeşlerimizden iň ýokary baýraga Alina Ewdokimowa, Öwezmyrat Sapardurdyýew we Medine Gaýlyewa eýe boldy. Hormat münberiniň ikinji basgançagynda durup kümüş medal gazanmak hukugyna Baýramgeldi Atadurdyýew we Aýşa Ilgeldiýewa eýe boldy. Çempionatyň bürünç medallaryny bolsa, Rahat Ataýew, Gunça Tagansähedowa, Aleksandr Guzina, Kyýasgeldi Ýazmyradow we Alymuhammet Kaklyýew gazandy.
Karate-do boýunça çagalaryň arasynda Merkezi Aziýa çempionaty Aktau şäherinde 22 – 24-nji dekabrda geçirildi. Halkara sport ýaryşyna sebit döwletlerinden 300-den gowrak türgen gatnaşdy. Oňa Türkmenistandan jemi 27 karateçi türgen wekilçilik etdi.
ORIENT news
