Türkmenistanyň DIM-de rus kärdeşleri bilen maglumat hyzmatdaşlygy meseleleri ara alnyp maslahatlaşyldy
Anna güni, 22-nji dekabrda Türkmenistanyň daşary syýasat edarasynda "2023-2024-nji ýyllar üçin Türkmenistanyň we Russiýa Federasiýasynyň Daşary işler ministrlikleriniň arasyndaky Hyzmatdaşlyk Maksatnamasynyň" çäklerinde media hyzmatdaşlygy boýunça maslahat geçirildi. Duşuşyk wideoaragatnaşyk arkaly guraldy.
Söhbetdeşligiň dowamynda diplomatlar Türkmenistanyň we Russiýa Federasiýasynyň metbugat gullugy boýunça degişli hyzmatdaşlygyň işi barada pikir alyşdylar. Sebitleýin gurluşlaryň we halkara platformalaryň çäklerinde ikitaraplaýyn we köptaraplaýyn formatda işlemek ýaly özara gatnaşyklaryň ösüşiniň geljegine aýratyn üns berildi.
Gatnaşanlar sanly diplomatiýa meselelerini hem ara alyp maslahatlaşdylar we degişli bölümleriň arasynda aragatnaşyklary we alyş-çalyşlary mundan beýläk-de ýola goýmaga gyzyklanma bildirdiler.
ORIENT news
